Já það er það.

Ég fór eitthvað að hugsa um þetta í gær...þessi blessaði frasi um að eiga barn sé bara 150% vinna. Þetta er eitthvað sem maður heyrir nokkuð oft á meðgöngu og ég sagði alltaf "auðvitað veit ég það!" og jújú ég vissi það alveg...hélt ég.
Ég allavega vissi það upp að vissu marki. Svo þegar krílið er komið í heiminn þá fyrst gerir maður sér almennilega grein fyrir þessu. Það líður ekki ein mínúta sem maður er ekki að hugsa um það. Maður er í vinnunni allan sólarhringinn og einu "pásurnar" eru meðan það sefur en þó ekki því maður þarf jú af og til að stökkva inn og stinga snuddunni uppí eða jafnvel að svæfa aftur og aftur um miðja nótt. Það er nú reyndar búið tímabil hér á bæ en kemur fyrir einstaka sinnum.
Mér finnst þetta svolítið fyndið að hugsa útí hvað ég vildi meina að ég væri með þetta á hreinu á meðgöngunni en svo er þetta bara ekkert þannig. Meðan aðrir eru til dæmis að vinna heilan dag þá er þetta eins með konur í fæðingarorlofi nema vinnudagurinn er síður en svo búinn klukkan 4 eða 5. Oftast er meiri vinna þá og meira að gera.
Elís til dæmis fær ekki að sofa eftir 5 og þá er kominn tími á að hafa mikið fyrir honum, leika nógu mikið, baða, hátta, gefa að borða og svæfa milli 8 og hálf 9 en svo þarf ég kannski að stökkva inn 4 sinnum til 11 til að snuddast.

Mér finnst þetta skemmtilegasta vinna sem ég hef verið í þó svo kannski öðrum myndi finnast þetta þreytandi...sem þetta auðvitað er að vissu leyti. Maður er oftast þreyttur og ekki alveg með hugann við efnið ef einhver hringir í mann eða maður skreppur út í heimsókn annað slagið. 
Eeeen,, maður myndi aldrei vilja skipta þessari lífsreynslu út fyrir nokkuð annað!

Æjæjæj,, ég hef auðvitað ekkert annað að blogga um enda mamma í 150% vinnu.

En ég byrja að vinna í apríl og Elís Örn fer til dagmömmu eða dagforeldra þá. Ég tékkaði á dagforeldrum hérna í götunni sem búa í parhúsi með lokaðan garð og þau virðast frábær. Þetta eru fullorðin hjón og þarna eru 10 börn í daggæslu og konan er búin að vinna við þetta í meira en 20 ár. Þannig að ég kíki til þeirra eftir helgi að skoða og spjalla og sjá svona hvernig mér líst á þetta.  

Jæja, hádegislúrinn hjá lilla búinn svo það er kominn tími á að leika fram að kaffitíma.

See ya.

Já ég er ekki frá því að jólin séu bara rétt ókomin...

Ég er auðvitað mikil jólamanneskja nema ég viðurkenni að ég dett alltaf í einhverja voðalega lægð hver einustu jól en ég er viss um að það verði ekki núna.

Þetta verða auðvitað alveg svakalega skemmtilega jól þar sem þetta eru fyrstu jól Elísar Arnar. Shæse hvað ég er orðin spennt! Ég fæ svo auðvitað að opna alla pakkan þar sem hann er svo lítill að hann hefur ekki vit á þessu og ég er alveg að missa mig úr spennu. Hann er nú þegar kominn með 9 pakka og það er bara flóðið frá pabba hans og fjölskyldu og frá mér. Svo á bara eftir að bætast í þetta. Víííí, þetta verður svo gaman.

Annars er nóg búið að vera að gera skiljanlega. Litli sofnar svo seint að ég er búin að vera að græja jólakort og pakka til 2 á næturna og er svo auðvitað eldhress á hverjum morgni þegar við vöknum. Bwahaha!
Við fluttum svo til Ingu sys fyrir tveim vikum held ég enda er tímaskynið mitt alveg dautt. Hehehe. Og ég er búin að skrifa allavega tvisvar vitlaust á jólakort (umslögin) þar sem ég er ekki alveg í sambandi. Þetta er bara fyndið að finna upp hverju ég gleymi og klúðra...maður er bara með hugann við litla sama hvað maður er að gera.

Svo erum við byrjuð í ungbarnasundi og kappinn alveg búinn að taka það í sátt. Maður er alltaf að dýfa honum í kaf og voða stuð...nema ég get ekki sjálf látið hann standa í lófanum á mér því hann er svo stór og stinnur og ég er ekki með nógu stóra krumlu fyrir fæturnar á honum.

Hmmm....eitthvað annað...neibb,, man ekki baun í bala...jii dúddi.

Jæja, adios í bili, gleðileg jólin og hafið það gott lömbin mín.

Já, ég bæði segi það og skrifa..jissúss!

Skoðið þetta og verið þakklát fyrir það sem þið hafið. 
Ég allavega opnaði aðeins augun við þetta þó ég elski alltaf þetta blessaða líf.

http://www.youtube.com/watch?v=XnuAyFCZjdA

Alveg er þetta geggjað.

Knuuuus pípól.

Jæja.
Þá er ég búin að fara á árshátíð og ég skemmti mér konunglega. Ég er náttúrulega ofboðsleg mamma þannig að ég var komin heim 23:30! Hehehe. Samt leyfði Elís mér að sofa alveg til hálf ellefu daginn eftir. Algert yndi þessi sonur minn.

Árshátíðin var alveg frábær. Hún var haldin í Gullhömrum og maturinn var algert æði! Skemmtiatriðin voru heldur ekki af verri endanum og þá sérstaklega þegar framkvæmdarstjórinn mætti á sviðið í þröngum appelsínugulum jakkafötum og dansaði við diskólög fyrir okkur. Hann endaði svo á að dansa við Pál Óskar lag og viti menn....skyndilega var Páll Óskar sjálfur uppá sviði og tók fyrir okkur nokkur lög áður en hann mætti í útgáfupartýið sitt á nasa. Þetta var alveg frábært!
Svo mætti Pétur Jóhann og sló auðvitað í gegn enda bara fyndinn og sheize hvað hann er myndó! Híhíhí.

Jæja, svo erum við búin fá svaka flotta kerru þannig að við mæðgin ætlum að skella okkur í Kringluna á morgun og hitta gamalt samstarfsfólk sem vill fá að skoða litla gimsteininn. Maður verður nú aðeins að monta sig pínu!
Svo kom systa heim frá NY í morgun og kemur í heimsókn til mín eftir vinnu og við bíðum spennt að sjá hvað hún verslaði á Elís Örn í Baby Gap. Vúhú!

Já og kannski stærsta fréttin...það lítur allt út fyrir að við flytjum til hennar kringum 15. desember. Ég er að fara í vikunni að mæla herbergið uppá að allt passi þar inn og sonna.
Össss hvað ég er spennt. Elís fílar allavega verulega að vera þar því það bergmálar svolítið inní stofunni þegar hann er að spjalla svo hann samkjaftar ekki heima hjá henni. Hehehe.

Jæja, kominn tími á að hætta þessu rausi...
Adios....

....er nú öll vitleysan eins.

Já ég ákvað að skella inn smá línu hérna...ég mundi skyndilega eftir blogginu þegar ég var að gera húsmóðurverkin (taka úr þvottavélinni) sem ég er svo iðin við enda gjörbreytt eftir að vera orðin mútter. Hahaha.
Ég sýni samt enn fram á það að ég er ekki alveg búin að þróa þennan húsmóðurfíling. Ég nefnilega hendi ansi mörgu saman inní þvottavél og set í gang og svo bara hendi ég upp á snúruna. Málið er að ég nenni ekki að setja hitt og þetta sér nema kannski handklæði....og auðvitað þvæ ég fötin hans Elís Arnar sér þar sem ég nota ekki mýkingarefni í þau.

Ég setti sem sagt í vél áðan voða gaman og gott með það. Ég var nefnilega að koma að austan frá ömmu og afa Elís og ákvað að þvo úlpuna mína og sitthvað fleira. Við erum sko búin að vera þar í næstum viku. Allavega,, víkjum að þvottavélinni...Haldiði ekki að kellan hendi ekki bara líka nýju fínu ullarsokkunum sem hún keypti í Europris á Selfossi með í vélina. Þið sem eruð jafn skörp og ég skiljið kannski ekki hvað er fyndið við það....ég tek svo þvottinn úr vélinni og hann er allur næstum loðinn! Bwahahahaha! Sokkabuxurnar mínar og bolirnir eru svona ullarloðnir einhvernveginn. Ég er nottla svo hress að ég sprakk úr hlátri og hringdi í systir mína og sagði henni að ég er Auli!


Svo er árshátíð næsta laugardag. Ég kíki samt líklega bara í matinn, showið og fer svo heim um miðnætti. Bara svona smá að hafa gaman...svo er nefnilega nethópurinn minn að fara á jólahlaðborð á Grand hótel 22. nóv. Það verður bilun held ég bara. Búnki af skvísum í mömmufríi að fá sér að eta og hlusta á Friðrik júró syngja.

Svo var nú eitthvað annað sem ég ætlaði að segja ykkur frá en man það ekki í bili....erfigninn er nebbla orðinn reiður á tölvunotkun minni.

Sjáumst.

Aha.
Ákvað bara svona í gríninu að henda inn smá svona bloggfærslu.

Það er svo mikið að gera í lífinu að ég varla fer í tölvu nema til að fiffa síðuna hjá Elís Erni eða til að hanga á mömmuspjallinu mínu.

Sem víkur að því að ég kíkti á svona barnlausan mömmuhitting með skvísunum á laugardagskvöldið. Ein í hópnum bauð okkur heim í kokteila og fínerí og það var svaka stuð. Ég er svo gömul að ég fór svo bara heim um 1 leytið á meðan sumar þeirra jömmuðu fram eftir nóttu.
Svo erum ég og Elís að fara að hitta þær á morgun heima hjá einni dömunni. Við erum sko 20 sem ætlum að mæta með börnin okkar svo þetta verður eitthvað skondið. Enda ætlum við að rembast við það í leiðinni að baka nokkrar pítsur oní okkur allar. Gaman að sjá hvernig fer.

Eigum við nokkuð að fara útí agaleysið mitt? Jújú...byrjum.
Ég er ekki enn hætt að reykja...ég er að mana mig í það hægt og bítandi en jii hvað það er erfitt að ætla að hætta. Pældí fíkninni!
Ég ætlaði að byrja að æfa eitthvað í október...það eru reyndar bara 5 kg eftir í kjörþyngdina mína því ég er ein af þessum heppnu sem þyngdist varla á meðgöngu eða allt fór eftir að ég átti en ég verð að stæla mig aðeins því er ég að pæla í Fit Pilates, Boot Camp, bara eitthvað, verða fitt og sexy en ég er ekki enn byrjuð...hmm. Langar líka pínu í fótbolta þó ég fíli ekki fótbolta en eitthvað laðar mig að honum. Ætli það sé ekki það að hlaupa um og sparka í tuðru sem heilli?

Elís Örn er orðinn rúmlega 3 mánaða og ég held að gaurinn sé að byrja að taka tennur. Ég var að vonast til þess að hann myndi svona aðeins bíða með það. Svo er hann endalaust duglegur með allt, grípur í dót og setur það uppí sig, spjallar þvílíkt mikið og brosir og hlær, hann er bara algert æði! Móðurástin alveg að gera sig hérna. Híhíhíhíhí.

Jæja, ég veit bara ekki bofs hvað ég á að segja...nenni sko ekki að skrifa um peningamál eða stjórnmál. Bara burt með þessa ríkisstjórn, leyfa okkur að kjósa og lækka launin hjá þessu liði. Já liði þetta er ekkert annað en lið.
Það getur svo enginn sagt mér að þessir menn, (Geir o.fl.) sem segja okkur að þjóðin verði að standa saman og hjálpast að, að þeir eigi eftir að láta fátæka eða fólk í fjárhagskröggum fá hluta af laununum sínum, eða að þeir eigi eftir að sætta sig við einhverja eðlilega launalækkun. Glætan spætan, eins og maður sagði þegar maður var kiddo.  Nenni ekki að ræða þetta meir.

Ég er að fara í gegnum fataskápinn minn og gefa fötin til mæðrastyrksnefndar og einnig fötin sem Elís passar ekki í lengur. Ég dauðvorkenni fólkinu sem er með buxurnar á hælunum og skrimtir út mánuðinn,, og fullt af þessum fólki eru einstæðar mæður. Ég gæti verið þarna í röð að bíða eftir mat og fötum. Ég vona að það komi aldrei til þess en ég vil samt að það sé til fólk sem hugsi um þá sem minna mega sín.
Ég á nefnilega ekki pening til að hjálpa öðrum þar sem fæðingarorlofið rétt dugar mér meðan ég bý heima, ef ég færi að leigja þá ætti ég ekki nóg fyrir bleyjum og mat út mánuðinn. Jess, gleitað.

Jæja, nóg komið, gamla er að fara að sofa þar sem lilli er sofnaður...öss ég fæ alveg 9 tíma svefn. Eins og ég segi, fullkominn sonur!
Greinilega verið vandað til verks...

See ya.

Fjölskylda mín gaf Elís Erni myndatöku hjá Brosbörnum í skírnargjöf og myndirnar eru æði! Enda svo afbragðs myndarpiltur hér á ferð.
Ég bara verð að henda inn smá til að monta mig mest í geiminum.

Alger engill!

Awww...

Smá svona fiðrildi yfir það heilagasta. Hahaha.

Jamm, við erum allavega þvílíkt ánægð með myndatökuna. Ég henti eitthvað af myndunum inn á síðuna hans http://elisorn.barnaland.is og svo þarf ég bara að framkalla og stækka og sonna. Svo auðvitað gera auka copy af þessu. Þetta voru samt alveg um 3-400 myndir sem við fengum. Bara snilld. Enda sagði ljósmyndarinn að hún bara gæti ekki hætt og varaði mig við fjölda af myndum sem við fengjum.


Jæja, nóg um það í bili. Ég er komin með pössun á laugardagskvöldið. Þetta verður voða spes að fara út svona í fyrsta skipti og það er næstum því ár síðan ég fór "út á lífið" síðast. Hahaha.
Ég ætla að skella mér á þetta blessaða trukkakvöld með Sigrúnu og Dísu og fleira góðu fólki og hafa gaman af kvöldinu.
Systa sem er klárlega best í heimi ætlar að passa Elís Örn fyrir mig og svo gistum við bæði hjá henni. Þetta verður bara gaman. Hann líka elskar frænku sína endalaust og sofnar alltaf í fanginu á henni þegar hann er búinn að segja henni frá deginum sínu. Algjör snillingur þessi sonur minn.

Svo er maður að fara í smá klippingu og litun í dag. Man ekki hvenær ég fór síðast. Allavega 3 mánuðir síðan og mér gengur bara hel vel að safna þessu faxi aftur. Næ í pínku tagl svo þetta er allt að koma. Þetta verður hressandi þegar faxið nær aðeins lengra niður fyrir axlir.

Nú er kominn tími á smá lúr með syninum, það er að segja ef hann vaknar ekki eins og venjulega ef ég leggst útaf. Hehehehe.

Ble í bili og hafið það gott...we will.

Jæja, trukkadagur er 20. september og ég ætla að skella mér að skoða tækin og svona og ákvað að skella inn auglýsingunni fyrir daginn.

Hvað haldiði að ég hafi verið að gera?

Ég var rétt í þessu að skrá mig í fjarnám. Jájá...bara svona í FÁ og bara einn áfanga til að byrja með. Skellti mér í Sögu 103 og ætla að sjá hvernig ég stend mig að læra í haust með svona lítinn prins uppá arminn.
Svo geri ég ekki annað en að spá í skóla. Ég vil geta boðið Elís Erni uppá allt sem þarf og til þess þarf ég að læra eitthvað. Nýjasta hugmyndin er Heimspeki í Háskóla Íslands og reyna að komast inná fjölskyldugarðinn þar í íbúð og leikskóla....annars langar mig alltaf mest að komast útá land, spurning hvort það bíði bara þangað til eftir nám...? Hmm...ves. Það er svo langt þangað til sko.

En allavega þá vex lilli eins og brjálæðingur og er orðinn 58,5cm og 4,8 kíló enda vel gefið að éta. Svo brosir hann nánast útí eitt og hlær að mömmu sinni (sem er einstaklega fyndin) og sefur enn alla nóttina eins og prins. Hver á svo besta barnið? Moi. Ég hef aldrei elskað neinn svona hrikalega mikið...þetta er alveg mögnuð tilfinning. Svo sofnar maður sjálfur svo seint því maður getur ekki hætt að glápa á hann sofa og svo er svo gott að taka hann uppí á morgnana og kúra með hann hjá sér. Hann er svo mikill kúrari.
Þetta verður eðalpitlur og gull af manni.

Svo er að koma að trukkadegi...hann verður 20. september og ég ætla að sjálfsögðu að mæta á malarplanið fyrir ofan Smáralind og skoða trukkana og tækin. Alveg mega spennt. Svo er trukkakvöld á Players um kvöldið og ég mæti nú þangað líka. Sennilega bara stutt þar sem þetta verður svona í mitt fyrsta skipti eftir að ég átti Elís Örn að ég kíki svona út á lífið. Og hvað haldiði...allir vilja passa...ekkert smá fyndið.  

Jæja, nóg komið af hjali og bið ég ykkur vel að lifa í bili.

Já það skilja ekki allir húmorinn á bak við titilinn en so be it.

Ég var bara klárlega búin að gleyma blogginu mínu enda fer ég sirka einu sinni í viku í tölvuna núna. Hahaha, fer sjaldan sem aldrei á msn og kíki ekki nærri nógu oft á tölvupóstinn þannig að fólk verður bara að senda sms ef það á að tjá sig eitthvað því ég svara heldur ekki alltaf símanum.
Jáhá, mikil breyting að eignast barn ekki satt?

Hann sefur auðvitað svo mikið á nóttunni þannig að hann vill svo mikið leika og vera dekraður á daginn.

Svo tala ég líka bara um hann núna og kúk og prump þannig að það er alveg spurning um hvort fólk nenni eitthvað að spjalla við mann sko. Hahahaha, gríííín...nema með umræðuefnið. Í alvöru, ég get endalaust talað um kúk og líka auðvitað rop og veit fátt skemmtilegra umræðuefni þessa dagana...kannski vegna þess að prinsinn ropar svo svakalega og þessar bleijur eru svo svaðalegar stundum að ég hlæ eins og bjáni og greyið amman veit ekki hvort hún hafi staðið sig í uppeldinu þegar hún fylgist með dóttir sinni emja úr hlátri ömmusyninum til mikillar gleði (hann allavega brosir mikið þegar hann kúkar og ég hlæ).

Jæja, nóg af kúkatali.
Drengurinn var skírður 10.08.08 og fékk nafnið Elís Örn í höfuðið á ömmu sinni (mömmu pabba síns) og í höfuðið á afa sínum (pabba mínum) og hann var greinilega sáttur við nafnið því hann sofnaði í athöfninni og svaf svo vært allan daginn gegnum öll knúsin og flestar myndatökurnar.

Hann borðar mega vel, stækkar ískyggilega mikið og er byrjaður og brosa og hjala.
Svo höfum við skellt okkur í sumarbústað yfir nótt og förum svo núna um helgina aftur í bústað í einhverja daga.
Við fórum líka á sunnudaginn austur á Selfoss til pabba hans og ömmu og afa og gistum þar eina nótt og það var bara þrusu kósý að vera þar eins og venjulega. Komast aðeins úr bænum svo var þetta svona smá pása fyrir mig að leyfa þeim aðeins að knúsa kallinn og dekra við hann meðan ég slappaði af og horfði bara á dvd og japlaði á snakki. Verrí gottí.

Jæja, komið nóg af hjali, heil færsla bara um erfingjann enda sé ég ekki sólina fyrir honum. Hann er bestur og flottastur auðvitað.
Knús í bili.
Ein mynd svona í lokin...

Já það er sko mikið og margt búið að gerast undafarna daga.

Ég eignaðist lítinn prins 11.07.08 klukkan að verða 5 um nóttina. Þá var ég búin að finna fyrir hríðum síðan kvöldið 09.07 en lagðist ekki inn á fæðingardeildina fyrr en á hádegi 10.07. Svo bara var allt á fullu nema ég fékk ekki nógu mikla útvíkkun og var mænudeyfð klukkan 7 um kvöldið til að hjálpa þessu öllu saman en ekkert gekk. Það átti svo að koma ó ljós hvort ég færi í keisara um miðnætti en við þá skoðun var fundað og ákveðið að láta mig bíða til 3 um nóttina. Ég var svo vel deyfð af asskoti myndarlegum svæfingarlækni þannig að mér var nokk sama, gat bara lagt mig og haft það kósý til 3 og þá var farið að undirbúa aðgerð.

Það var nú bara mega spes að liggja vakandi, deyfð niðrí tær og finna líkamann allan togaðan og teygðan þegar verið var að draga lilla minn út. Hann var kominn svo langt niður þannig að læknarnir þurftu að nota smá krafta til að tosa. Ég fann ekkert til, engan sársauka en ég fann mig lyftast upp af borðinu í þessu togi. Brutal fyndið. Ég er nottla ekki eins og fólk er flest og þessi blessaði svæfingarlæknir hafði nett gaman af mér og elti okkur svo inn á deild eftir aðgerðina og sagði mér að hann hefði sjaldan fengið manneskju á skurðborðið sem væri í svona miklu jafnvægi. Ég meina,, hvers vegna ekki...maður er nú einu sinni á spítala og maður er að fara að fá barnið sitt loksins.

Allavega þá lá ég svo inni á sængurlegudeild í 3 daga, venjulega á maður að vera í 4 en ég var svo últra hress að okkur var bara hent heim okkur til mikillar gleði.
Svo er ég búin að vera rosa sparsöm á heimsóknir því ég og lilli erum að koma upp rútínu með svefn og át. Hann er reyndar búinn að sofa síðustu 3 nætur frá miðnætti til 7 sirka þannig að ég er í smá dekri varðandi svefn.

Svo er hann auðvitað sætastur og bestur eins og manni finnst börnin sín alltaf vera og ég gæti ekki verið ánægðari.
Stolt mamma hér á ferð!

Jæja, skelli einni mynd hérna af okkur mæðginunum.

Vona að það heppnist.

Já, ég hafði bara ekki hugmynd um hvað ég ætti að hafa í fyrirsögn þannig að meeeehehehe varð fyrir valinu enda algjört lamb.

Ég er á leiðinni í sukk til einnar í bumbuhópnum mínum. Við mætum nokkrar heim til hennar, hún verður með fullt af drykkjum og við mætum með gotterí. Ég mæti til dæmis með ameríska súkkulaði/karamellu köku.
Svo er svo skondið að við erum 50 í þessum nethóp allstaðar af landinu og nokkrar erlendis og eru 9 búnar að eiga! Vá, mér finnst það nokkuð mikið þar sem við eigum allar að eiga í júlí.

Ég reyni að vera róleg þar sem systa kemur heim 2. júlí frá Mallorca og ég ætla ekkert að eiga fyrr en hún er komin sko.
Annars er allt tilbúið hjá mér. Búin að þvo allt og græja allt. Ég og mútter erum búnar að kíkja smá í BabySam og Fífuna að skoða og kaupa á litla frænda og mútter er alltaf að reyna að kaupa meira handa mér...þessar ömmur eru svakalegar.
Núna í gær vorum við í Fífu og þá vildi hún kaupa svona poka til að hafa í bílstólnum fyrir gæjann og svo vildi hún líka kaupa rimlarúm sem við gætum þá haft í herberginu og þá gæti vaggan verið í stofunni. Ég afþakkaði pent og sagði henni að vaggan yrði notuð fyrst, ég gæti bara rúllar henni inn í stofu. Rúmið biði bara þangað til ég þyrfti að nota það. Greyið konan er að missa sig í ömmu hlutverki og snáðinn ekki mættur.

Æji já, gleymdi að segja að ég fékk mér loksins gleraugu! Búin að notast við linsur í mörg ár og tími til kominn að fá sér gleraugu fyrir tilvonandi næturvaknið. Fékk mér voða flotta umgjörð og er bara helánægð með mig svona. Voða pæja með þetta á nefinu. Híhí. Spekingsleg sko.  

Svo kíkti ég í gær til Bjarkar systir B&B og lagaði myndirnar í skrappbókinni minni. Ætlaði að vera stutt en kom svo ekki heim fyrr en rúmlega eitt. Sem skipti ekki miklu máli þar sem ég gat ekki sofnað fyrr en um 3 leytið. Þessar pissuferðir á næturnar eru svo byrjaðar að segja til sín, en ég er sátt því þá venst ég því að vakna svona oft á nóttunni áður en litli mætir á svæðið.  

Jæja, best að fara að gera sig reddý og rúlla í kökuát.

See ya.  

Vúhú!

Gummi bróðir og Sigga konan hans eru orðin mamma og pabbi!
Þau eignuðust son á laugardaginn sem var alveg 19 merkur og 55 cm takk fyrir! Alger risi og svo ótrúlega fallegur!
Þau fóru upp á spítala um 9 leytið um morguninn og hann kom í heiminn rétt fyrir klukkan eitt um hádegi þannig að hann tók bara brunið á þetta hjá þeim. Nennti greinilega ekki að bíða eftir gangsetningunni sem var búið að gera ráð fyrir á miðvikudaginn næsta.

Ég ma og pa vorum svo mætt á spítalann um 4 leytið til að skoða litla prinsinn og ég fékk að halda á honum og æfa mig aðeins.. Gaurinn bara 3 klukkutíma gamall og þvílíkur gullmoli.
Litli minn sparkaði nú smá í hann þegar hann lá þarna í fanginu á mér...hefur sennilega ekkert verið sáttur við að annar prins væri að taka fangið á mömmu sinni.
Ekki laust við að spennan sé búin að magnast þvílíkt hjá manni við þetta. Og hún var nú alveg nóg fyrir. Hehehe.
Svo gekk þetta svo vel hjá þeim að þau gistu í hreiðrinu og fóru svo heim í dag.

Ég held ég verði nú bara á sængulegudeildinni. Maður má náttúrulega ekki gista einn á hreiðrinu þar sem það er minna fylgst með manni þannig að ég held að sængulegudeildin sé fín þó ég þurfi líklega að deila herbergi með annari nýbakaðri móður og barni. Allavega fínt að vita að þar er kíkt á mann og maður hefur einhvern til að kalla í ef eitthvað er að.

En að öðru máli.
Ég er að fara ásamt Bryndísi og Ágústi frænda hennar í Nauthólmsvíkina á morgun að leika mér.
Hlakka ekkert smá til. Hef aldrei farið þangað áður nema til að línuskautast og fíflast en ekki til að leika mér í sandinum og vonandi sólinni.
Þannig að það er eins gott fyrir sólina að skína og vindinn að hvíla sig svo maður brúnki nú eitthvað pínu.

Í gærkvöldi kíkti ég einmitt með Bryndísi og Berglindi til skrappmeistarans systir þeirra og fjölskyldu og við héngum þar alveg til 3 um nóttina eins og venjulega. Þetta er bara svo kostulega skemmtileg fjölskylda að maður tímir aldrei að fara strax heim. Híhí.
Ég meira segja litaði með Inga Birni sem spurði mig í sífellu afhverju ég væri með barn í maganum...uh...ég sagðist vera að geyma það þangað til það væri tilbúið....ég vissi allavega að maður útskýrir ekki fyrir 4 ára hvernig það komst þarna inn...
Svo svaf Bryndís mestallan tímann á sófanum meðan ég og Berglind borðuðum nammið hennar Bjarkar þess á milli sem svefninn hennar þyrnirósar var truflaður með púðakasti og fleiru. Alveg frábært laugardagskvöld.
Bæti því líka við að hún svaf meira segja í bílnum meðan mér var skutlað heim og rumskaði ekki þegar ég fór úr honum. Híhíhí. Þreytta kona!

Svo þarf ég að drífa mig aftur til Evu í heimsókn og leika við hana og litlu prinsessuna og gefa henni fötin sem ég gleymdi síðast. Hehehe, smá svona meðgönguþoka alltaf í gangi hjá mér. Híhí.

Jæja, ég vildi bara deila þessum tíðindum með ykkur og ætla nú að fara að hvíla mig.

Adios amigos...

Vúhú!

Gummi bróðir og Sigga konan hans eru orðin mamma og pabbi!
Þau eignuðust son á laugardaginn sem var alveg 19 merkur og 55 cm takk fyrir! Alger risi og svo ótrúlega fallegur!
Þau fóru upp á spítala um 9 leytið um morguninn og hann kom í heiminn rétt fyrir klukkan eitt um hádegi þannig að hann tók bara brunið á þetta hjá þeim. Nennti greinilega ekki að bíða eftir gangsetningunni sem var búið að gera ráð fyrir á miðvikudaginn næsta.

Ég ma og pa vorum svo mætt á spítalann um 4 leytið til að skoða litla prinsinn og ég fékk að halda á honum og æfa mig aðeins.. Gaurinn bara 3 klukkutíma gamall og þvílíkur gullmoli.
Litli minn sparkaði nú smá í hann þegar hann lá þarna í fanginu á mér...hefur sennilega ekkert verið sáttur við að annar prins væri að taka fangið á mömmu sinni.
Ekki laust við að spennan sé búin að magnast þvílíkt hjá manni við þetta. Og hún var nú alveg nóg fyrir. Hehehe.
Svo gekk þetta svo vel hjá þeim að þau gistu í hreiðrinu og fóru svo heim í dag.

Ég held ég verði nú bara á sængulegudeildinni. Maður má náttúrulega ekki gista einn á hreiðrinu þar sem það er minna fylgst með manni þannig að ég held að sængulegudeildin sé fín þó ég þurfi líklega að deila herbergi með annari nýbakaðri móður og barni. Allavega fínt að vita að þar er kíkt á mann og maður hefur einhvern til að kalla í ef eitthvað er að.

En að öðru máli.
Ég er að fara ásamt Bryndísi og Ágústi frænda hennar í Nauthólmsvíkina á morgun að leika mér.
Hlakka ekkert smá til. Hef aldrei farið þangað áður nema til að línuskautast og fíflast en ekki til að leika mér í sandinum og vonandi sólinni.
Þannig að það er eins gott fyrir sólina að skína og vindinn að hvíla sig svo maður brúnki nú eitthvað pínu.

Í gærkvöldi kíkti ég einmitt með Bryndísi og Berglindi til skrappmeistarans systir þeirra og fjölskyldu og við héngum þar alveg til 3 um nóttina eins og venjulega. Þetta er bara svo kostulega skemmtileg fjölskylda að maður tímir aldrei að fara strax heim. Híhí.
Ég meira segja litaði með Inga Birni sem spurði mig í sífellu afhverju ég væri með barn í maganum...uh...ég sagðist vera að geyma það þangað til það væri tilbúið....ég vissi allavega að maður útskýrir ekki fyrir 4 ára hvernig það komst þarna inn...
Svo svaf Bryndís mestallan tímann á sófanum meðan ég og Berglind borðuðum nammið hennar Bjarkar þess á milli sem svefninn hennar þyrnirósar var truflaður með púðakasti og fleiru. Alveg frábært laugardagskvöld.
Bæti því líka við að hún svaf meira segja í bílnum meðan mér var skutlað heim og rumskaði ekki þegar ég fór úr honum. Híhíhí. Þreytta kona!

Svo þarf ég að drífa mig aftur til Evu í heimsókn og leika við hana og litlu prinsessuna og gefa henni fötin sem ég gleymdi síðast. Hehehe, smá svona meðgönguþoka alltaf í gangi hjá mér. Híhí.

Jæja, ég vildi bara deila þessum tíðindum með ykkur og ætla nú að fara að hvíla mig.

Adios amigos...

Dadarada...daddaraaa..þetta er sko star wars lagið ef þið föttuðuð það ekki.
Fæ það alltaf á heilann af og til frá því ég var Star Wars fíkill og lék mér í þessu daginn út og inn með honum Agli æskufélaga. Ég sótti í S.W. dótið hans og hann fékk í staðinn að leika með Barbie dótið mitt. Smá svona æskuupprifjun því það er svo gaman.

Annars er alltaf fullt að gerast þessa dagana.

Ég  fór út að borða á Tapas með bumbuhóps skvísunum mínum á miðvikudagskvöldið eftir verslunaferð með Ellu (hin amman) og Maríu Lísu (Benna sys) og við versluðum fullt og ég fékk þennan fína ömmustól frá þeim.
Svo á fimmtudaginn skellti ég mér í sund með tveim skvísum úr bumbuhópnum í Garðabæjarsundlaugina og það var æðislegt. Svona ekta hverfislaug, pínkulítil og lítið af fólki.
Svo um kvöldið fór ég í mat til Hrafnhildar og Sævars og hún grillaði sko fyrir mig. Og það er greinilega vel hugsað um kallinn á þessu heimili því þegar hann kom heim þurfti hann bara að skella sér í sturtu og svo hans beið grillaðar kótilettur, bakaðar kartöflu, salat, kartöflusalat, sósa og svo nammi maregnseftirréttur. Hrafnhildur greinilega kjarnakona sko.

Í dag fór ég svo í mæðraskoðun og eins og áður leit allt vel út. Ég minntist svo á þessa auknu samdrætti og verki og svo þessa blessuðu mavapínu mína undafarna daga og hún sagði að hann mætti alveg koma bráðlega, hann væri allavega tilbúinn svo ég þyrfti ekkert að vera stressuð ef ég færi skyndilega af stað. Hann kemur samt ekkert strax, hann er enn ansi ofarlega því hann er alltaf að pota í magann á mér og gera mér óglatt með því eins og akkúrat núna.  Alveg að farast með æluna uppí kok. Ég er samt búin að vera með samdrætti í allt kvöld og þetta verður frekar þreytandi stundum svona plat.
Stefni samt á að eiga ekki fyrr en í júlí því systa ætlar að vera með mér í fæðingunni ásamt mútter og hún kemur ekki heim frá Mallorca fyrr en 2. júlí. Ég treysti sko á skvísuna að standa með litlu systir í gegnum þetta.
Ég og mútter fórum svo í dag og keyptum bleijur, grisjur og fleira þessu tengt og svo var komið við í bónus og keypt nóg af allskonar djús þar sem ég er orðin óð í allskonar djús með klökum.

En svo er Sigga mágkona komin 8 daga framyfir og fer í gangsetningu í næstu viku ef ekkert verður búið að gerast. Þannig að ég er að verða frænka á næstu dögum í annað skipti. Við erum komin með eina 7 ára skvísu þannig að það var alveg komin tími á að fjölga í fjölskyldunni.

Svo verður pabbi sextugur í febrúar og þá er eitthvað verið að skoða ferðalög....eins og þegar mamma varð sextug, þá fóru þau til Egyptalands í tvær vikur. Nú er verið að pæla í að öll familían fari til Orlando! Vúhú! Ég er auðvitað búin að segja þeim að ég og litli förum þá í Gatorland að skoða krókódílana og slöngurnar. Og svo verð ég að fara í nokkra rússíbana líka. Sko ef það verður eitthvað úr þessari ferð.
Það er nefnilega líka verið að skoða það að fara bara í stóra fjölskylduferð til Mallorca jafnvel um sumarið þar sem ég er að segjast ætla með litla gaurinn þangað næsta sumar með Hrafnhildi og fjölskyldu.  

Ég get ekki beðið eftir að ferðast með guttann og sýna honum heiminn,,,, þó hann skilji náttúrulega voðalega lítið eins árs en ég elska að skoða myndirnar frá því mamma og pabbi fóru alltaf með okkur systkinin út á tveggja ára fresti. Þau eiga líka hrós skilið fyrir að nenna því með okkur fjögur takk fyrir. Haha. 

Jæja, kannski kominn háttatími á mæðgin og reyna að sofna eitthvað fyrir þessari ógeðis ógleði.

Knuuus og njótiði sólarinnar næstu daga. I will.  

PS: Þið sem fílið uppistandara endilega tékkið á þessari! Hrafnhildur sýndi mér þetta í kvöld og ég er búin að vera í kasti yfir þessari kellingu! Hún er brútal!   http://www.youtube.com/watch?v=YV0xY6iRhcY